У Ужгорóдї заложеный «Русинськый клуб им. Адолфа Добрянського»

27. юля 2019

27. юля в конференц-залі ужгородського готеля «Дружба» пройшли установчі зборы сосполної організації «Русинськый клуб им. Адолфа Добрянського», председов котрої было обрано русинського публіциста Юрія Шиповича.

Члены нововчиненого клуба, як индивідуалні, так и тоты, што вже представлявуть другі сосполні організації, опреділили основну ціль Клуба: координація културно-просвітителської сполупраці меже сосполныма організаціямы, керовникы котрых є членами Клубу, вчиненя просвітителської роботы з молодежов, изглядованя и подпора новых талантув у рамках роботы МАН, врокашеня патріотично настроєных и творчеськых людей, обмін мыслями и опытом.

Выступаючыма было подмічено, што приміром про членув Клуба має стати постава вызнамного русинського політика Адолфа Добрянського, в честь котрого и названо клуб.

Учасникы зборув подкреслили, же членство у Клубі не мішать перебываньови в иншых сосполных русинськых вадь дакотрых другых рокашах, айбо несумісноє з участьов у позазаконных націонал-шовіністичных формованьох.

Фотосправозданя