rueпортал словник ґазета ґраматика

Великодный шōвдарь – верш за руснацькых Великдинь

Великодный шōвдарь – верш за руснацькых Великдинь

Презентуєме Вам верш знамого руснацького писателя Володимира Рошка за великодный шōвдарь.

Великодный шōвдарь

Майвеселоє в руснаку,
Што наднимать файну дяку –
То Великодньом ся кличе!
В черевах пічункōв миче.

Великодный сьись сохташ
Тримлеся руснацький наш:
Воскресіня восхвалили,
Кошары ся посятили.

Думу вшыткі утікавуть,
Бо їх шōвдарі чекавуть.
Пела сята Воскресіня,
Шōвдаря Благословіня

В Пудкарпатю ся сяткує.
Руснак з дякōв мулатлує.
Шōвдарь, то про нас сятоє,
Черевам страх дорогоє.

Свинська лаба закурена,
Сперед сятками зварена,
Смак божественный дарує.
Пахне так – Європа чує!

Руснак шōвдарь рук чекає,
Слина, гі у пса стікає…
Ту є шōвдарь, на стōлі,
Хаплють старі ай малі.

Мнясо вкусять, запнуть зубы,
Суль на сōбі чувуть губы.
Чамкаш – то є райський смак.
Так благує наш руснак.

До вечера шōвдарює,
Нич не видить, нич не чує.
Сесе празник, сесе ай!
Завтра вōду зачиряй,
Дівок вшытких поливай.

ХРИСТОС ВОСКРЕС!

позерайте далше: вінчовалны образчикы ид Великодню

Далші статї из катеґōрії Верші читайте за удкликованьом
Реклама